抵食回本! 九龙湾泰菜 火锅放题 送咖喱龙虾 @Dining


63人参与 |分类: V生活邦|时间: 2020-07-11
(Presented by Siam Al Fresco Dining)

Photo:二彤

我Dining娜食过无数火锅放题,放题花款确实愈玩愈多,但係将泰菜同火锅合二为一嘅泰式火锅放题坊间唔算多,满足晒又锺意打边炉又锺意食泰国嘢嘅朋友。 九龙湾泰菜 餐厅Siam Al Fresco Dining嘅半自助火锅晚餐自从旧年推出之后,反应极好,今年再度登场,呢个半自助放题原来只限冬日限定㗎。

啱啱推出嘅龙虾火锅放题性价比极高,单係每位入座即送半只泰式咖喱龙虾(每只$388),经已回本!由于有泰厨坐镇,所以由火锅汤底、前菜、甜品等,都好有地道风味。列入咗我嘅Foodie List嘅原因,仲有佢哋另设户外露天座,坐喺开扬嘅环境下歎火锅都几有泰国度假feel!

抵食回本! 九龙湾泰菜 火锅放题 送咖喱龙虾 @Dining
泰式咖喱龙虾(每位送半只)配蒜蓉法包 师傅严选肉质厚实嘅龙虾,以黄姜粉、黄咖喱、椰浆、蛋白等炒香,香料味道渗透虾肉,惹味醒神。

九龙湾泰菜 歎正宗泰式汤底

嚟到Siam,大部分人都叫招牌冬荫公汤底,锺意食辣嘅我当然唔执输啦。佢哋嘅冬荫公汤依足传统做法,用咗香茅、南姜、柠檬叶、辣椒膏等煮成,最后加入花奶即刻令汤底香滑好多,辛辣风味地道得嚟亦容易入口,总厨话可以先饮汤后打边炉,一锅两食,我班锺情于泰菜嘅姊妹都话正!

抵食回本! 九龙湾泰菜 火锅放题 送咖喱龙虾 @Dining
冬荫公汤底 跟足传统做法,汤底以香茅、南姜、柠檬叶、辣椒膏等煮成,最后放入花奶,辛辣与香滑俱备。

除咗冬荫公汤底,自选汤底仲有椰汁鸡汤、泰式清汤、紫菜豆腐汤选择,总共4款,如果想双拼,都只係加$28!

Siam嘅出品有水準得嚟,风味又正宗,原来因为有两位泰国师傅坐镇。泰菜主要走曼谷风格,口味地道而大众化,好似冬荫公汤、咖喱等辛辣菜式都唔会过辣,几啱香港人口味。连食材都喺泰国食材店舖入货,难怪食得出细緻有层次嘅泰式风味啦!

抵食回本! 九龙湾泰菜 火锅放题 送咖喱龙虾 @Dining
椰汁鸡汤底 鸡汤加入香茅、南姜、椰汁和青柠等炮製,椰香浓郁,汤底仲有草菇同车厘茄,口感丰富。

任食多款前菜小食甜品

再睇睇有咩食,先讲火锅配料,回本推介有海虾、美国肥牛、日本豚肉片。再去自助泰式前菜、甜品Bar睇下,泰式前菜同甜品选择都几多,经典如烧猪颈肉沙律、腌酸辣凤爪沙律、泰式青木瓜沙律等头盘,仲有传统泰式甜品:芒果糯米饭、泰式千层糕、椰汁糕、斑兰千层糕、牛奶布甸等,全部都係任食!

另外,汽水、啤酒亦係任饮,天气凉凉哋,我Dining娜有暖笠笠推介:Siam自创嘅香芒甜姜,将姜茶加入芒果汁,微辣暖胃,饮落好舒服!

抵食回本! 九龙湾泰菜 火锅放题 送咖喱龙虾 @Dining
火锅配料拼盘火锅放题配料选择几多,有海虾、美国肥牛、日本豚肉片、扎肉、虾丸、鲮鱼滑等,非常新鲜。
抵食回本! 九龙湾泰菜 火锅放题 送咖喱龙虾 @Dining
任食自助泰式前菜、甜品Bar,前菜、沙律、甜品选择多。

地道泰式前菜、熟食

若嫌火锅放题仲未满足到食泰国嘢嘅慾望,可以另外柯打泰菜,例如生虾刺身、粉丝蟹煲、明炉乌头鱼等。

抵食回本! 九龙湾泰菜 火锅放题 送咖喱龙虾 @Dining
泰式生虾刺身 $108 选用海虾,鲜甜味突出;亮点喺秘製生虾汁,由青辣椒汁同蒜蓉等混成,微辛香口,为生虾提鲜。
抵食回本! 九龙湾泰菜 火锅放题 送咖喱龙虾 @Dining
粉丝蟹煲 时价 以姜、蒜、黑椒,仲有大厨自家调配嘅辣汁煮粉丝,各具层次嘅香料味道渗透其中,再放上肉蟹或膏蟹一齐焗,蟹肉鲜甜惹味。
抵食回本! 九龙湾泰菜 火锅放题 送咖喱龙虾 @Dining
明炉乌头鱼 $188 将新鲜乌头蒸煮后,放入香茅、南姜、柠檬叶等,再加入清汤、泰式鹹酸梅略煮,令鱼肉提鲜,泰式风味出众。

九龙湾泰菜 享受泰国度假Feel

除咗食物味道,Siam连环境都畀人泰国度假feel!佢哋室内环境唔算大,不过座位间隔舒服;而户外就有露天座,坐喺外面吹住凉风打边炉,感觉几写意!火锅放题5:30pm就开始,早啲嚟食,仲可以感受下秋日阳光嘅尾巴!

抵食回本! 九龙湾泰菜 火锅放题 送咖喱龙虾 @Dining
室内以落地玻璃设计,枱与枱之间有空间感;户外露天座环境开扬,打边炉兼倾偈最啱。

烚时精选

‧ 送回本龙虾:泰式咖喱龙虾每只$388,食火锅放题入座即送半只,已回本有突!

‧ 泰厨坐镇:总厨係泰国师傅,有多年烹调泰菜经验,供应嘅泰菜走曼谷风格。

‧ 开扬露天座:趁秋意浓有凉风,推介坐户外歎火锅,倾偈一流!

Siam Al Fresco Dining

地址:九龙湾宏照道33号国际交易中心2楼3号舖

电话:2790 3288

龙虾火锅放题:星期一至五5:30pm-7:30pm $168/位、7:45pm-9:45pm $178/位;星期六、日及公众假期每位加$18(大小同价)

备注:设加一,收现金及信用卡。